***********************************************
ਅਜੇ ਤਾਂ ਲੰਮੀਆਂ ਰਾਹਵਾਂ ਨੇ ਸਤਿੰਦਰ ਤੋਂ ਸਰਤਾਜ ਦੀਆਂ………
ਲੇਖ
ਹਰ ਸ਼ੋਅ ਨੂੰ ਸਰਤਾਜ ਆਪਣੇ ਅੰਦਾਜ਼ ਵਾਲੀ ਪ੍ਰਾਰਥਨਾ ਨਾਲ ਕਰਦਾ
ਸਾਈਂ ਵੇ, ਸਾਈਂ ਸਾਡੀ ਫਰਿਆਦ ਤੇਰੇ ਤਾਂਈ
ਸਾਂਈ ਵੇ ਬਾਹੋਂ ਫੜ ਬੇੜਾ ਬੰਨੇ ਲਾਈਂ
ਸਾਂਈ ਵੇ ਮੇਰੇ ਗੁਨਾਹਾਂ ਤੋਂ ਬਚਾਈ …………
----
ਰੱਬ ਨੂੰ ਕੀਤੀ ਇੱਸ ਦੁਆ ਵਿਚ ਇੱਕ ਐਸਾ ਅਜੀਬ ਰਸ ਉਹ ਭਰ ਦਿੰਦਾ, ਕਿ ਇਸ ਨੂੰ ਸੁਣਨ ਖ਼ਾਤਰ ਵੀ ਲੋਕ ਵਕ਼ਤ ਤੋਂ ਪਹਿਲਾਂ ਆਂਉਦੇ । ਜਦੋਂ ਆਪਣੀ ਸ਼ਇਰੀ ਵਿੱਚ ਉਹ ਫੁੱਲਾਂ ਦੀ ਗੱਲ ਕਰਦਾ, ਤਾਂ ਬਰੀਕ ਸੋਚ ਦੇ ਨਾਲ ਨਾਲ ਪੰਜਾਬ ਅਤੇ ਖੇਤੀਬਾੜੀ ਦੀ ਭਰਪੂਰ ਜਾਣਕਾਰੀ ਦਾ ਸਬੂਤ ਵੀ ਦਿੰਦਾ
ਮੋਤੀਆ ਚਮੇਲੀ ਬੇਲਾ ਕੇਤਕੀ, ਧਰੇਕ,
ਫੁੱਲ ਤਾਰਾਮੀਰਾ , ਸਰੋਂ ਤੇ ਫਲਾਈ ਦੇ
ਕੇਸੂ, ਕਚਨਾਰ ਨੀ ਸਰੀਂਹ ਤੇ ਅਮਲਤਾਸ
ਤੇਰੇ ਲਈ ਹੀ ਖੇਤਾਂ ਚ ਉਗਾਈ ਦੇ ।
----
ਸਤਿੰਦਰ ਗਾਉਂਦਾ ਗਾਉਂਦਾ ਜਦੋਂ ਮਾਂ ਦੀ ਗੱਲ ਕਰ ਜਾਂਦਾ ਸਭ ਦੀਆਂ ਅੱਖਾਂ ਭਰ ਆਂਉਦੀਆਂ ਕਿਉਂਕਿ ਮਮਤਾ ਵਿਚਲੇ ਮੋਹ ਅਤੇ ਭਾਵੁਕਤਾ ਉਸਦੇ ਬੋਲਾਂ ਵਿੱਚ ਹੈ
ਦੂਰੋਂ ਬੈਠ ਦੁਆਵਾਂ ਕਰਦੀ ਅੰਮੀ
ਦੁੱਖ ਸਾਡੇ ਲੇਖਾਂ ਦੇ ਜਰਦੀ ਅੰਮੀ।
----
ਪ੍ਰਵਾਸੀ ਪੰਜਾਬੀਆਂ ਦੀ ਮਾਨਸਿਕਤਾ ਨੂੰ ਵੀ ਉਹ ਪੂਰੇ ਸਲੀਕੇ ਨਾਲ ਫੜਨ ਜਾਣਦਾ ਅਤੇ ਪੰਜਾਬ ਦੀਆਂ ਬਦਲ ਰਹੀਆਂ ਪ੍ਰਸਥਿਤੀਆਂ ਵੀ ਉਸਦੀ ਸ਼ਾਇਰੀ ਵਿੱਚੋਂ ਝਲਕਦੀਆਂ ਹਨ ਜਦੋਂ ਉਹ ਗਾਉਂਦਾ ਹੈ
ਪਾਣੀ ਪੰਜਾ ਦਰਿਆਵਾਂ ਵਾਲਾ ਨਹਿਰੀ ਹੋ ਗਿਆ,
ਮੁੰਡਾ ਪਿੰਡ ਦਾ ਸੀ ਸ਼ਹਿਰ ਜਾ ਕੇ ਸ਼ਹਿਰੀ ਹੋ ਗਿਆ
ਯਾਦ ਰਖਦਾ ਵਿਸਾਖੀ ਉਨ੍ਹੇ ਵੇਖਿਆ ਹੁੰਦਾ ਜੇ
ਰੰਗ ਕਣਕਾਂ ਦਾ ਹਰੇ ਤੋਂ ਸੁਨਹਿਰੀ ਹੋ ਗਿਆ।
---
ਸਤਿੰਦਰ ਦੇ ਇਹਨਾ ਸ਼ੋਆਂ ਦੀ ਰਿਕਾਰਡ ਤੋੜ ਸ਼ਫਲਤਾ ਵਿੱਚ ਇਕਬਾਲ ਮਾਹਲ ਦੀ ਸੰਜੀਦਾ ਅਤੇ ਸਲੀਕੇ ਵਾਲੀ ਵਿਉਂਤਬੰਦੀ ਵੀ ਸ਼ਾਮਲ ਸੀ… ਖ਼ੂਬਸੂਰਤੀ ਵਾਲੀ ਗੱਲ ਇਹ ਸੀ ਕਿਸੇ ਵੀ ਸ਼ੋਅ ਵਿੱਚ ਕੋਈ ਵੀ ਭਾਸ਼ਣ ਅਤੇ ਰਵਾਇਤੀ ਤਾਣਾ-ਬਾਣਾ ਨਹੀਂ ਸੀ ਸਿਰਫ਼ ਗਇਕ, ਆਵਾਜ਼, ਅੰਦਾਜ਼, ਸ਼ਾਇਰੀ ਅਤੇ ਅਨੰਦ ਮਾਣ ਰਹੇ ਲੋਕ । ਸਤਿੰਦਰ ਇਹਨਾ ਅਠਾਰਾਂ ਸ਼ੋਆਂ ਨਾਲ ਕੈਨੇਡਾ ਵਾਸੀਆਂ ਦੇ ਦਿਲਾਂ ਦੀ ਧੜਕਣ ਬਣ ਗਿਆ ਚਾਹਵਾਨਾਂ ਨੂੰ ਉਡੀਕ ਦੀ ਧਰਵਾਸ ਦੇ ਕੇ ਉਹ ਪੰਜਾਬ ਨੂੰ ਤੁਰ ਪਿਆ ਪਰ ਬੜੀ ਨਿਮਰਤਾ ਨਾਲ ਇਹ ਕਹਿਕੇ ਕਿ…
ਅਜੇ ਤਾਂ ਸ਼ੁਰੂਆਤਾਂ ਨੇ ਮਿੱਤਰਾ ਰੱਬ ਦੇ ਦਿੱਤੇ ਕਾਜ ਦੀਆਂ
ਬੜੀਆਂ ਲੰਮੀਆਂ ਰਾਹਵਾਂ ਨੇ ਸਤਿੰਦਰ ਤੋਂ ਸਰਤਾਜ ਦੀਆਂ
ਸੱਚਮੁਚ ਸ਼ਾਇਰੀ ਅਤੇ ਗਾਇਕੀ ਦੀਆਂ ਇਹਨਾਂ ਲੰਮੀਆਂ ਰਾਹਵਾਂ ਵਿੱਚ ਉਸਨੂੰ ਇਕਬਾਲ ਮਾਹਲ ਦੀ ਸਰਪ੍ਰਸਤੀ ਦੀ ਵੀ ਲੋੜ ਆ ਅਤੇ ਚਹੇਤਿਆਂ ਦੇ ਪਿਆਰ ਸਤਿਕਾਰ ਦੀ ਵੀ।
No comments:
Post a Comment